Aalu Ki Kheti Kaise Kare

Aalu Ki Kheti Ki Jankari in Hindi: Aalu ko sabjiyo ka raja kaha jata hai. India me shayad hi koi aisi ghar hota jaha aalu na diekhe. Iski masaledar tarakari, pakodi, chaat, papad, chips jaise swadisht pakwano ke alawa uncle chips, bhujiya, kurkure bhi aalu se hi bante hai. Bharat me aalu ki ausat upaj 152 kwintal prati hacteyer hai. Jo vishwa se kafi kam hai. Aaiye aapko batate hai kaise kare aalu ki kheti.

Aalu Ki Kheti Kaise Kare - आलू की खेती कैसे करे

Aalu Ki Kheti ki Uchit Jankari

Aaloo Ki Kheti Kaise Kare Full Guide

Aalu ki kheti ke liye balui-domat mitti bahut hi achhi hoti hai. Bhumi me jalnikasi ki achhi vyawastha honi chahiye. Aalu ke liye chhariy, pani se bhara huya ya khade pani wali bhumi ko nahi chune.

Uttam Kism ki Beej

Aalu ki cast me sabse main baat ye hai ki iska beej achhi quality ka ho. Achhe beej visheshkar Rog na lagne wala beej ka istemaal karke aaloo ki paidawar badhayi ja sakti hai.

Upyukt maap ke Beej Ka Chunaw

Aalu ke beej ka aakar aur uski upaj se labh ka aapas me gahra sambandh hai. Bade maap ke beejo se upaj to adhik hoti hai. But beej ki kimat adhik hone se prayapt labh nhi hota. Bahut chhote maap ka beej sasta hoga but Rogon wala aalu paida hone ka khatra bad jata hai. Jyadatar dekha gya hai ki rogyukt fasal me chhote maap ke beejo ka anumaap adhik hota hai. Isliye achhe labh ke liye 3 CM se  3.5 CM aakar ya 30-40 Gram bhar ke aaluon ko beej ke roop me bona chahiye

Buwai ka Time aur Beej ki Matra

Uttar bharat me, jaha pala padna aam baat hai, Aalu ko badhne ke liye kam samay milta hai, Wha aalu ki buwai is prakar kare ki aalu december ke ant me pura ban jaye. Uttar paschim bhago me aalu ki buwai ka time October ka pahla Hafta bahut best hai. Purwi bharat me aalu October ke beech mahine se January tak boya jata hai.

Aalu ki fasal me pankti se pankti ki doori 50 CM. aur Paudhe se paudhe ki doori 20-25 CM honi chahiye. Isake liye 25-30 Quintal beej Prati Hacter Pryapt hota hai.

Buwai ki Bidhi

Paudho me kam fasla rakhne se roshni, pani aur poshak tatwo ke liye unme hod bad jati hai. Falswaroop chhote maap ke aalu paida hote hai. Adhik fasla rakhne se prati hectyar me paudho ki sankya kam ho jati hai. Jisase aalu ka maan to badh jata hai but upaj ghat jati hai.

Isaliye kataro aur padho ki doori me aisa santulan banana hota hai ki na upaj kam ho aur na hi aalu ki maap kam ho. Uchit maap ke beej ke liye panktiya 50 CM. ka antar aur paudho me 20 se 25 cm. ki doori rakhni chahiye.

Urwako ka Prayog

Fasal me pramukh tatwa arthart Nytrozen, phosphoras aur potash prayapt matra me dale. Nytrozen se fasal ki vanaspatik badhwar adhik hoti hai. aur paudhe ke kanmool ke aakar me bhi badotari hoti hai. But upaj ki bridhi me kandmool ke alawa unki sankhya ka adhik prabhaw padta hai.

Fasal ke starting vikas aur Vanaspatik bhago ko stron banane me potash helpful hota hai. Isase kand ke aakar wa sankhya me badhotari hoti hai.

Aalu ki fasal me prati hacteyar 120 Kb. Nytrozen, 80 K.G. Phasphoras aur 80 Kg Potash dalani chahiye.1

Aalu ki sichai

Aalu me halki lekin kai sichaiyo ki aawasyakta hoti hai. But khet me pani kabhi bhi bhara hua nhi rahna chahiye. Khudo ya naliyo me medo ki uchai ke 3/4 se adhik unch pani nhi bharna chahiye.

Pahli sichai adhikansh paudhe ug jane ke baad kare. Dusri sichai usake 15 din baad aalu banane wa fulne ki awastha me karni chahiye.

Kandmul banane wa fulne ke samay pani ki kami ka upaj pa bura effect padta hai. In awasthawon me pani 10 se 12 din ke antar par diya jana chahiye.

Aalu ko Kharpatwar Se Roktham

Aalu ki fasal me kabhi bhi kharpatwar na ugane de. Kharpatwar ki roktham ke liye buwai ke 7 dino ke andar 0.5 Kb Cizamin 50 WP. ya Linuron ka 700 Leter pani me ghul banakar prati hacteyar ke hisab se chhidkaw kar de.

Aalu katai Ya Khudai 

Puri tarah se paki aalu ki fasal ki katai us samay karni chahiye jab aalu ke kando ke chhilke sakht pad jaye. Purntaya paki aur achhi fasal se lagbhag 300 Quintal prati hakteyar upaj prize hoti hai.

Aalu ki Fasal Ko Keet Patange ya Vimariyo se Bachaye

Aalu ki fasal me kand wale Shalabh ( TUbber Moth), katuwa keede, Jaissid aur mahu ya Chaipa (Afid) se babut nuksaan hota hai.

Tubber Moth keede ke larwa kandmool me surakh bana dete hai. Yadi kand ko mitti se dhaka na gya to ye keedi fasal ko bahut nuksaan pahunchate hai. Kand wale Shalabh jaise hi dikhai de in par 0.07 % endosalfaan ya 0.05 % Malathiyan ka chhidkaw kare. Aur kand ko mitti se dhak de.

Katuwa keede paudhe ka unki jado ke paas, bhumi ke neeche hi kaat dete hai. Inki roktham ke liye buwai se pahle 5 % Eldrin ya Haftacloor 20 se 25 Kg/Hacteyar ki dar se khet ki mitti me milaye. Khadi fasal me katuwa ka prakop pa uprokt dwa ka burkaw paudhe ki nichali satah par karte hai.

Jacide narm sharir wale hare rang ke keede hote hai, jo paudho ke patto aur anya komal bhago ka rus choos lete hai.

Mahu ya Chepa aalu me lagne wale hare rang ke keede hote hai, jo patti ki nichali satah par paye jate hai, aur patto ka rus chuste hai. Inke prabhaw se pattiya upar ko mud jati hai. Inaki badhwar rukk jati hai. Mahu ya Chepa lagne par 0.07% Endosalfaan ya 0.05 % Malathiyan ka chhidkaw kare.

Jag ganth sutrakrim (ROot Knote Nematode) prabhawit paudhe ki pattiya samaya paudho ki pattiyo se badi ho jati hai. Paudho ki badwar ruk jati hai, aur garm mausam me rogi paudhe sukh jate hai. Jado me atyadhik gathe ho jati hai.

Aalu ki fasal me anek vimariya jaise Jhulsa, Patti Mudna wa mozek aadi lagti hai. In vimariyo se fasal ko bahut nuksaan hota hai. Inse fasal ko bachana bahut jaroori hai.

Aalu ki kheti ke jankari ke liye agar aapko kahi par koi problem aa rahi ho to aap hame comment box ke jariye puchh sakte hai.

 

admin

Leave a Reply

Your email address will not be published. Required fields are marked *